Talosaga e le Motusia ! !
May 4, 2012E popole le loto,
Aua o ai ea e pule i ana fuafuaga poto.
Aua o lo’o tu’ufesili pea Muniao,
Po’o afea ea e iloa ai lea taeao.
Maimau pe ana ou vave iloaina,
Ae se’i fa’ailoa i nai aiga.
O talosaga e le mafai ona motusia,
Ia tau lau ma le manuia.
E le’o mapu ai lava le su’esu’e ma le fia malamalama,
Aua e o’o mai lava le tafa o ata.
E iai taimi ua masalosalo ai le loto,
O mafaufauga pe tauau a goto.
E ui i le pesia o le olaga i fiafiaga fa’alelalolagi,
Ae e le mafia ai ona mate lama molī matagi.
Le ala usu ma le fo’i i le aiga ua po,
E iai lava le aso e talisapaia ai le manumalo.
Posted by Salani Leota.