O le autu o le fa'afinauga "Pe tatau ona toe fo'i fa'asalaga i fa'asalaga o aso ua mavae." O au sa ou finau atu i le itu agai, e le tatau ona toe fo'i i ia tulaga. Sa ou finau atu i mau a le fa'akerisiano. E le tatau ona toe foi Samoa i fa'asalaga o aso ua mavae aua o nei ona po ua fa'atalaleleiina Samoa, ua o'o mai le malamalama i le tatou atunu'u. Talanoa mai foi le Afioga Paia i le eseesega o le feagai tuai ma le taimi na afio mai ai Iesu. O le feagaiga tuai o lo'o talanoa mai i tulafono a Mose, e tatau ona fa'ao’o le oti i tagata solitulafono mamafa, ae o Iesu ma lana tulafono ia fa'atupu le alofa, o le agasala ia fa'amagalo, fafitugafulu i ni fitu.Sa finau mai foi le itu auai, e tatau aua o nei ona po ua tumu le aai o toese i tagata solitulafono, e tatau ona fa'ao'o iai fa'asalaga mamafa ina ia iloa ai le sese o le latou solitulafono tele. Ua mama faasalaga i nei ona po, ua faigofie foi ona maua le totogi ma tuli ia fa'asalaga ae ana o'o mai lava i nei ona po o fa'aauau pea ia fa'asalaga, masalo e o'o mai i nei aso ua le toe iai nisi e solitulafono. E le auai foi i latou ona o le tele o le vaega tupe o totogi o tagata o le malo ae maise ai o tatou matua o lo'o tautua aua le saili manuia mo aiga o le isi vaega o a latou totogi o lo'o matua fa'aaluina mo ia tagata solitulafono. E le tatau la ona fa'aalu ia tupe mo ia tagata solitulafono aua o lo'o tele fa'alavelave a o tatou aiga o lo'o manaomia ai le fesoasoani o le tulaga tau seleni. E $30 mo e aveese mai i totogi o tagata faigaluega mo meaai a le tagata e toatasi (tagata o lo’o i totonu o le falepuipui) i le aso, ma le faaopoopoga o lena tupe ua fai lava sina tele. E le o se tupe mai fafo lea e paketi e fafaga ai ē oi le falepuipui, ae o le tupe mai le mālō lava o Amerika Samoa. Sa ou te'ena lea manatu ma ou fa'apea atu i se mau mai le Afioga Paia "E sili le na te foai, nai le na te talia"

Sa avea lea mataupu ma lu'i fo'i o lou nei fo'i olaga, aua e moni e tatau lava ona fa'ao'o fa'asalaga mamafa i e solitulafono. Aua o nei ona po ua leai se isi e fefe i le oti, o le ala lea ua le fa'aitiitia ai le solitulafono ona e iloa lelei e le au solitulafono e mafai e'i latou ona tali tiga o fa'asalaga o le'a tu'uina atu ia te'i latou. O lea la e tatau ai ona toe fa'afo'i mai fa'asalaga o aso anamua ina ia fa'aitiitia ai le solitulafono ma le fuainumera o tagata i totonu o le aai o le toese.

Fa'afetai

Salani