O lo'u Fa'asinomaga |
||
 Ua o'o i le iuga o mea uma (May 07, 2010)  Se tasi o sui o le ` School for International Training Program
|
O a'u o le tama a le eleele, o le ala lea o lo'u mimita ma lo'u nene'e. Lo'u nei tagata ma lona fa'asinomaga, o lo'u aiga lava e fai ma o'u mitamitaga. O a'u o Salani Julia Leota, o le tama'ita'i o le aiga, le ulumatua, o le fa'auluuluga foi lea o mea uma. O nai o'u matua o Simanu Leota ma Rasea Leota. Le laua titifaitama ma le laua tausiga fa'amaoni o lea ua ou ola ai. Ma o lenei ua ou aeae ai i manu ae le'o mala. Ou te sau mai i se aiga lima vaivai ma le ausage, ae o le Atua lava na te fa'amanuia i so'o se aso, ma so'o se taimi matou te manaomia ai lana fesoasoani mana. E to'alua o'u uso laiti ma si o'u tuagane fa'apelepeleina e to'atasi. O Kanana Fou e fai pea ma o'u mitamitaga, la'u aoga e pele tutasi i lo'u nei olaga. Sa fa'aiuina ai la'u taumafaiga i le aso 7 o Me i le tausaga 2010. O le tatalo lava sa fai ma o'u ta'iala i taimi uma, aua e tele lava taimi ou te manaomia ai le fesoasoani, ae ou te talitonu ma le fa'amaoni, o le Atua lava e maua mai ai le taui o le tagata fa'amaoni. E ui i le tele o fa'aosoosoga i lenei foi vaitaimi o le olaga ae sa auai mai pea lona Agaga Paia e puipui i lo'u nei tagata. O le taunu'uga o nai o'u mo'omo'oga o le fia avea ai o a'u ma faiaoga mo aso a sau. Ona o le va'ai alofa i fanau o Amerika Samoa ma lo latou fo'i lumana'i. E ui lava i le tele o vaivaiga a lo'u nei tagata, ae sa ou taumafai lava ina ia iai so'u taimi e fa'asoa atu ai se mea oi ia te a'u mo alo ma fanau o le lumana'i. Ae ou te tatalo pea i le Atua ina ia avea a'u ma faiaoga, aua ou te mautinoa e fesoasoani mai pea lona Agaga Paia i aso uma o lo'u nei ola ma so otou soifua Lo'u aiga, la'u ekalesia aemaise si o'u nu'u, e fai ma o'u fa'asinomaga sili. Aua o la latou tatalo ma le faia pea o le faiva o le anapogi ma le tu'i mai o le mlipapaga o le tapuaiga a'o alo faiva atu i matou le fanau i a'oa'oga, aua se lumana'i manuia, e le gata mo le aiga, nu'u ae sili ai le ekalesia. E vivi'i ai pea le loto le Atua ona o lenei fa'asinomaga taua. E ui e le'i tini taunu'u le fa'amoemoe, ae talionu e le tu'ulafoa'iina e le Atua a'u ma oe.
|
|
