Solo(Fa'ama'i Tele 1918)
Aso 7 Novema 1918,
Taula le va’a o le Tālune mai Aukilani i le uafu.
Aue ! le mala tele,
Ua omai ma le pasese.
Le fa’ama’i o le fulū nimonia,
Ufitia Samoa i Sisifo i le loimata maligi ma le lē fiafia.
Fa’atamala Niu Sila, fa’atamala le kapeteni o le va’a,
A’o foma’i fo’i a Niu Sila ia, se’i su’esu’e ma ta’u mai se tala.
Maimau pe ana vave logo mai,
Se manū, e fai se fa’atatau ma fai iai e aua ne’i omai.
Taunu’u mai ua leai se aoga,
Le fa’ama’i, ma le oti ua leai ma se tasi e ono iloa.
Maua tala e Ameika Samoa,
Pagā le fia fesoasoani ae ua le taliaina ma le loto atoa.
Lagona e Kovana Lokeni le alofa,
Nei mea ua maumau ola o tama ma fanau o Amerika Samoa.
8,500 tagata maliliu,
Le fa’ama’i ua lē fo’i, tagata fo’i ua o’o mai le fiu.
Tagata asiasi maimoa mai fafo,
Fai se fa’aiuga, siaki muamua ae le’i omai e tafafao.
Tolu i le fa masina o alu pea lea fa’ama’i,
Ae fa’afetai ua le o’o mai i Amerika Samoa nei, ae maise ai le lalolagi atoa.
Talosia aua ne’i toe iai ni fa’ama’i e toe o’o mai i Samoa,
Ina ne’i maumau atu le ola o si o tatou atunu’u atoa.
Tusia e Salani Leota